Sonnet (IV)

de Pierre de Ronsard

Ah ! longues nuicts d'hyver, de ma vie bourrelles,
Donnez-moy patience, et me laissez dormir !
Vostre nom seulement, et suer et fremir
Me fait par tout le corps, tant vous m'estes cruelles.

Le sommeil tant soit peu n'évente de ses ailes
Mes yeux tousjours ouverts, et ne puis affermir
Paupiere sur paupiere, et ne fais que gemir,
Souffrant comme Ixion des peines eternelles.

Vieille ombre de la terre, ainçois ombre d'enfer,
Tu m'as ouvert les yeux d'une chaine de fer,
Me consumant au lict. navré de mille pointes ;

Pour chasser mes douleurs ameine-moy la mort ;
Hà Mort ! le port commun, des hommes le confort,
Viens enterrer mes maux, je t'en prie à mains jointes.

❧

Pour prolonger la lecture

Une sélection de poèmes choisis pour leur proximité de ton, de thème ou de voix.

Ah longues nuicts d'hyver de ma vie bourrelles Pierre de Ronsard Mort Mélancolie Nuit Sonnet (I) Pierre de Ronsard Mort Condition humaine Deuil Amour, je ne me plains Pierre de Ronsard Amour Mélancolie Condition humaine

Se laisser surprendre Laissez le hasard choisir un poème.

Explorez par affinité de thèmes, d’émotions, d’époque et de mouvement

❧