Mon cœur m'a fait commandement

de Charles d'Orléans XIVᵉ siècle

Mon cueur m'a fait commandement De venir vers vostre jeunesse, Belle que j'ayme loyaument (1), Comme doy faire ma princesse. Se vous demandés Pourquoi esse ? C'est pour savoir quant vous plaira Alegier sa dure destresse Ma Dame, le sauray je ja (2) ?

Dictez le par vostre serment ! Je vous fais leale (3) promesse Nul ne le saura, seulement Fors que lui pour avoir leesse. Or lui moustrés qu'estes maistresse Et lui mandez qu'il guerira, Ou s'il doit morir de destresse ! Ma Dame, le sauray je ja ?

Penser ne porroit nullement Que la douleur, qui tant le blesse, Ne vous desplaise aucunement. Or faictes dont tant qu'elle cesse Et le remectez en l'adresse D'espoir, dont il party pieça (4) ! Respondez sans que plus vous presse ! Ma Dame le sauray je ja ?

1. Loyaument : Loyalement. 2. Ja : Bientôt. 3. Leale : Loyale. 4. Pieça : Il y a longtemps.

Les mots et tournures soulignés sont expliqués : survolez-les ou touchez-les. Voir le glossaire