Je n'ay plus soif, tairie est la fontaine
Bien eschauffé, sans le feu amoureux ;
Je voy bien cler, ja ne fault qu'on me maine ;
Folie et Sens me gouvernent tous deux ;
En Nonchaloir resveille sommeilleux ;
C'est de mon fait une chose meslee,
Ne bien, ne mal, d'aventure menee.
Je gaingne et pers, m'escontant par sepmaine ;
Ris, Jeux, Deduiz, je ne tiens conte d'eulx :
Espoir et Dueil me mettent hors d'alaine ;
Eur, me flatent, si m'est trop rigoreux ;
Dont vient cela que je riz et me deulz ?
Esse par sens ou folie esprouvee ?
Ne bien, ne mal, d'aventure menee.
Guerdonné suis de malleureuse estraine ;
En combattant, je me sens couraigeux ;
Joye et Soussy m'ont mis en leur demaine ;
Tout desconfit, me tiens au ranc des preux ;
Qui me saroit desnoer tous ses neux ?
Teste d'assier y fauldroit, fort armee,
Ne bien, ne mal, d'aventure menee.
Prince, veillesse fait me jouer a telz jeux,
Perdre et gaingner, et tout par ses conseulx ;
A la faille j'ay joué ceste annee,
Ne bien, ne mal, d'aventure menee.
Les mots et tournures soulignés sont expliqués : survolez-les ou touchez-les. Voir le glossaire
❧
Pour prolonger la lecture
Choisis pour leur proximité de ton, de thème ou de voix.
L'arche invisible
"Où va cette arche à qui les ondes"
Angoisse
Ballade
Condition humaine
Quant vint a la prochaine feste
"Qu'Amours tenoit son parlement,"
Ballade
Condition humaine
Deuil
Fuis l'éden des anges déchus
"Ami, prends garde aux belles filles ;"
Amour
Angoisse
Ballade
Se laisser surprendre
Explorez par affinité de thèmes, d'émotions, d'époque et de mouvement
- Moyen Âge
- Renaissance
- Ballade
- Lyrique
- Mort
- Condition humaine
- Mélancolie
❧