Escollier de Merencolie
A l'estude je suis venu,
Lettres de mondaine clergie (1)
Espelant a tout ung festu,
Et moult fort m'y treuve esperdu.
Lire n'escripre ne sçay mye,
Dez verges de Soussy batu,
Es derreniers jours de ma vie.
Pieça, en jennesse fleurie,
Quant de vif entendement fu,
J'eusse apris en heure et demye
Plus qu'à present ; tant ay vesqu
Que d'engin je me sens vaincu ;
On me deust bien, sans flaterie,
Chastier, despoillié tout nu,
Es derreniers jours de ma vie.
Que voulez vous que je vous die ?
Je suis pour ung asnyer tenu,
Banny de Bonne Compaignie,
Et de Nonchaloir retenu
Pour le servir. Il est conclu !
Qui voudra, pour moy estudie :
Trop tart je m'y suis entendu,
Es derreniers jours de ma vie.
ENVOI
Se j'ay mon temps mal despendu,
Fait l'ay par conseil de Follye ;
Je m'en sens et m'ens suis sent
Es derreniers jours de ma vie.
1. Clergie : Instruction.
Les mots et tournures soulignés sont expliqués : survolez-les ou touchez-les. Voir le glossaire
❧
Pour prolonger la lecture
Choisis pour leur proximité de ton, de thème ou de voix.
Adieux à la poésie
"Il est une heure de silence"
Lune
Lyrique
Mer
Le dernier jour de l'année
"Déjà la rapide journée"
Lune
Lyrique
Mort
La mort d'un enfant
"Il est gisant sur le rivage"
Condition humaine
Lyrique
Mort
Se laisser surprendre
❧