En acquittant nostre temps vers jeunesse
Le nouvel an et la saison jolie,
Plains de plaisir et de toute liesse
Qui chascun d'eulx chierement nous en prie,
Venuz sommes en ceste mommerie (1),
Belles, bonnes, plaisans et gracieuses,
Prestz de dancer et faire chiere lie
Pour resveillier voz pensees joieuses.
Or bannissiez de vous toute peresse,
Ennuy, soussy, avec merencolie,
Car froit yver, qui ne veult que rudesse,
Est desconfit et couvient qu'il s'en fuye !
Avril et may amainent doulce vie
Avecques eulx ; pource soyez soingneuses
De recevoir leur plaisant compaignie
Pour resveillier voz pensees joieuses !
Venus aussi, la tres noble deesse,
Qui sur femmes doit avoir la maistrie,
Vous envoye de confort a largesse
Et plaisance de grans biens enrichie,
En vous chargeant que de vostre partie
Vous acquittiés sans estre dangereuses ;
Aidier vous veult, sans que point vous oublie,
Pour resveillier voz pensees joieuses.
1. Mommerie : Mascarade.
Les mots et tournures soulignés sont expliqués : survolez-les ou touchez-les. Voir le glossaire
❧
Pour prolonger la lecture
Choisis pour leur proximité de ton, de thème ou de voix.
Avril
"Avril, l'honneur et des bois"
Ballade
Beauté
Espérance
J'ai l'esprit tout ennuyé
"D'avoir trop étudié"
Ballade
Enfance
Fleur
Dedans des Prez je vis une Dryade
"Qui comme fleur s'assisoyt par les fleurs,"
Amour
Ballade
Fleur
Se laisser surprendre
❧