Bien moustrez, Printemps gracieux
De quel mestier savez servir,
Car Yver fait cueurs ennuieux,
Et vous les faictes resjouir.
Si tost comme il vous voit venir,
Lui et sa meschant retenue
Sont contrains et prestz de fuir
A vostre joyeuse venue.
Yver fait champs et arbres vieulx,
Leurs barbes de neige blanchir,
Et est si froit, ort (1) et pluieux
Qu'emprés le feu couvient croupir ;
On ne peut hors des huis yssir (2)
Comme un oisel qui est en mue.
Mais vous faittes tout rajeunir
A vostre joyeuse venue.
Yver fait le souleil es cieulx
Du mantel des nues couvrir ;
Or maintenant, loué soit Dieux,
Vous estes venu esclersir
Toutes choses et embellir.
Yver a sa peine perdue,
Car l'an nouvel l'a fait bannir
A vostre joyeuse venue.
1. Ort : Sale. 2. Yssir : Sortir de sa maison.
Les mots et tournures soulignés sont expliqués : survolez-les ou touchez-les. Voir le glossaire
❧
Pour prolonger la lecture
Choisis pour leur proximité de ton, de thème ou de voix.
Les oiseaux
"Orchestre du Très-Haut, bardes de ses louanges,"
Ballade
Jardin
Joie
L’hiver du rossignol
"Sur les toits la grêle crépite."
Ballade
Espérance
Lyrique
Transition
"À Édouard Manet."
Amour
Joie
Lyrique
Se laisser surprendre
❧